Te Hokinga Mai o Ngā Taonga Whitiāhua

	English language version of this page is also available.

Nō ngā tau tuatahi o te takiwā 1990, ka whakaritea he rautaki e taea ai ngā rauemi kei Te Taonga Maori te waitohu, kia tino tika ai te whakaingoa.

Ko tētahi whāinga o te rautaki nei he whakawhāiti i ngā taonga nei ki ō rātou iwi, me te mahi tahi ki ngā kanohi o aua iwi ki te whakarite whakaaturanga mō ō rātou whanaunga. I mahia ai ēnei whakaaturanga hei akoranga, hei ngahau hoki mō aua wāhi, hei tikanga hoki mō te waitohu i ngā tāngata takitahi, i ngā rohe maha me ngā wāhi, e kitea ana i roto i aua pikitia.

Ka whakatūria tētahi kotahitanga i waenganui i Ngā Kaitiaki Whitiāhua me Te Papa Tongarewa, hei whakaako i te iwi Māori ki ō rātou taonga. I tapaa ki te ingoa Te Hokinga Mai o Ngā Taonga Whitiāhua, ā, i whakarewaina i te marama o Pepuere 1996 i Taupō, arā, ko tō Ngāti Tūwharetoa tērā.

Mai i tērā wā kua torotoro atu Te Hokinga Mai ki te awa o Whanganui, ki Tainui, ki Ngāi Tūhoe, Ki Te Arawa, ki Ngāti Porou, ki te whakatakoto tikanga mō te tiaki i ngā taonga whitiāhua.

Ko ētahi o ngā whakariterite mō te kaitiakitanga i pā ki ngā whāinga tika ā hinengaro, ā taonga tuku iho, o tētahi iwi. Waihoki te whakaora ā kiko i ngā rīpene pikitia, me te āhei o te tangata ki ngā taonga nei. Kua oti tētahi Whakaritenga Tikanga te whakapakari i te taha o aua iwi nei, e whakapūmau ana i ngā whakariterite, i ngā tikanga mahi, ā, e whakapakari nei i te whanaungatanga i waenganui i te rōpū nei me ngā iwi.

Mō ētahi aatu kōrero e pā ana ki Te Hokinga Mai, kia pai ai hoki te mātakitaki ki Te Whakaritenga Tikanga, tēnā koā whakapā mai ki Ngā Kaupapa Māori. Email